به‌پیی ئه‌و زانیاریانه‌ی له‌ باشوری کوردستانه‌وه‌ به‌ده‌ست گه‌یشتوون، سه‌رله‌به‌یانی ئه‌وڕۆ هێزێكی‌ سه‌ربازی‌ ئه‌مریكا له‌ شاری‌ سلێمانی‌ وه‌فدێكی‌ ئێران که ‌له‌ 2 كه‌س پێكهاتبوو له‌ هۆتێل‌ پاڵاس‌ گیران.
حه‌سه‌ن باقی‌ هه‌ورامی‌ سه‌رۆكی‌ ژوری‌ بازرگانی‌ سلێمانی‌ به‌م شێوه‌یه‌ بۆ ‌سایتی‌ سبه‌ی‌ دواوه‌‌: "ئه‌و وه‌فده‌ ئێرانییه‌ كه‌ وه‌فدی‌ بازرگانی‌ شاری‌ كرماشانن، چه‌ند رۆژێكه‌ به‌مه‌به‌ستی‌ ئاڵوگۆری‌ بازرگانی‌ له‌سلێمانین، به‌لاَم ئه‌وانه‌ی‌ گیراون ئه‌ندامی‌ وه‌فده‌ بازرگانیه‌كه‌ نین و له‌ گفتوگۆكانی‌ نێوان وه‌فدی‌ بازرگانی‌ كرماشان و ئێمه‌دا نه‌بوون".

شایانی باسه‌ ناوی یه‌کیک له‌و که‌سه‌ گیراوانه‌ فه‌رهادیه‌‌ و ناوی که‌سه‌که‌ی ترییش تائێستا نه‌زانراوه‌. دوابه‌دوای ده‌ستگیرکردنیان بۆ شوێنێکی نادیار گواستراونه‌ته‌وه‌.